城中鏡：蔣家姊妹為「留守兒童」打氣
相信大家都聽過「留守兒童」（即父母均離鄉打工，留低子女喺鄉間獨自生活）嘅問題，近年嚟成為咗內地重要社會問題之一，香港立法會議員Ann蔣麗芸最近喺社交網站上貼圖，話由佢妹妹蔣麗萍創辦嘅「愛基金」，同內地二百多個教會合作舉辦「留守兒童」夏令營，讓一批留守兒童可以喺暑假入營繼續學習。
已經入營嘅蔣麗萍（前排右二）同班留守兒童打成一片。（互聯網圖片）
其中蔣麗萍月初已同一眾義工出發，但由於立法會早前仲有好多議題未審完，尤其係拉布戰搞到個個議員都唔敢離開半步，所以阿Ann等埋立法會休會放暑假，喺近日先出發為大家打氣。阿Ann喺立法會成日同班泛民主派議員鬥氣罵戰，趁立法會休會暫時離開香港，同一班農村兒童及義工一齊生活吓，洗滌心靈，相信佢本人亦會獲益良多。
