長者自殺數字創新高
【本報訊】「留低獻世咩？」「死咗咪唔使拖累仔女囉！」六十歲以上長者去年的自殺數字創十七年來新高，按年上升三成。有獨居六旬婆婆眼見中風老伴入住安老院後變憔悴，將責任「攬上身」，鑽牛角尖，曾企圖跳樓、跳海及飲消毒藥水結束生命。有專家表示，長者情緒受困時，多不會宣之於口，容易誘發隱蔽自殺。家人應留意長者舉動，若突然發現他們「落晒形」或言詞間透露厭世，應立刻求助。
生命熱線聯同多間企業及機構，派出義工上門探訪長者。
姚婆婆（化名）二十年來照顧丈夫，惟因身體欠佳，忍痛將老伴送入私營安老院。但見丈夫日漸消瘦，心痛不已，勉強進食後常感反胃，需扣喉吐出。她更將辛苦編織的冷衫剪爛，甚至連愛犬也懶理。精神科醫生證實她患中度抑鬱，治療一年始大致康復。
家人宜多聆聽分憂
「無論仔女點乖都好，唔開心都唔會同佢哋講，唔想佢哋牽掛呀！」為免家人擔心，她從不將負面情緒表露，企圖自殺前雖曾與子女見面，但無人察覺她情緒異常。
生命熱線執行總監吳志崑說，長者易因家庭問題或病患而萌生自殺念頭，喪偶或子女離世等巨變更令心理難以負荷。但他們或選擇「收收埋埋」，家人若觀察到長者情緒低落、對平日喜好提不起勁，甚至不尋常地準備身後事，應加倍留神，但勿以批判語氣責難，宜多陪伴關懷及耐心聆聽，為他們分憂。
根據去年死因裁判報告，有三百七十三名六十歲以上長者不幸自殺身亡。生命熱線專設「生命共行—外展長者服務」，義工定期探訪情緒受困長者。
