城中鏡：國泰CEO藏身管弦樂團
喺每年嘅夏天，亞洲青年管弦樂團嘅團員都會短聚六星期，進行樂團排練營同巡迴演出，日前佢哋就喺香港演藝學院音樂廳舉行咗第二十四屆排練營揭幕禮。
朱國樑（箭嘴示）獲邀以第一身角度，欣賞青年音樂精英演奏。
當日有好多嘉賓到場，而喺芸芸嘅「知音人」當中，我哋仲見到國泰航空行政總裁Ivan朱國樑嚟捧場添，佢仲難得被大會安排置身喺樂團團員席之間，以第一身角度欣賞由兩萬幾人甄選出嚟嘅一百一十位青年音樂精英演奏，確實係最佳嘅聽覺享受。Ivan話，佢鍾意嘅音樂類型好廣泛，由古典音樂到流行曲通通都唔放過，好似喺屋企就最啱聽爵士樂喇，放工之後細聽夠晒放鬆。
