大澳天利苑居屋單位尋日攪珠，一班抽中嘅準業主諗住可以開開心心等收樓，點知原來房委會資助房屋小組通過，每個單位每月嘅管理費高達二千多元，拍得住豪宅，而小組主席黃遠輝承認，由公屋轉居屋時冇考慮到管理費嘅問題，咁擺到明係漏招，但苦果就要業主承擔！仲反映房署制度僵化，將來陸續有居屋排隊推售，唔通個個居屋嘅管理費都要豪宅價？唔該黃遠輝為市民諗多步喇！
