內地問題肉類醜聞牽連甚廣，香港亦有連鎖快餐店承認數月前曾購入該內地公司生產嘅肉類產品，並且已經全部銷售，沒有存貨。為免問題惡化，食物及衞生局局長高永文尋日決定禁止該公司所有產品入口本港，並封存已入口嘅存貨直至內地調查完成為止。表面上，高局長決定果斷，但實際上已經慢幾拍，仲揭示咗抽驗內地進口食品機制存在漏洞，如果食衞局仲懶懶閒嘅話，香港市民又注定食不安心、禍從口入嘞！
