年年難過年年過的香港書展,今天,是最後一日,也是書展二十五周年低調完成、黯淡收皮之期。

書展主辦單位貿發局以十蚊優惠價「吸引」遊客,被「香港人」到場示威抗議,指斥貿發局「歧視港人」,貿發局回應話咁做係「為了幫助本地文化產業邁向國際」喎!嘩!港人入場廿五雞,用同一邏輯思考,咁貿發局即「打壓本地文化產業」?乜咁做呀?香港文化界有乜得罪你班媚外廢柴娘親呢?

當貿發局被指冷待香港書展時,有件周姓頭目反駁話,今年佢哋都有好多講座活動,成五百幾個!哦!等我身為「圈中人」向大家講清楚吧!

香港書展的「作家演講會」,除了幾位講者係交由「外判承辦商」(佢哋叫「協辦單位」)「重金聘請」演出之外,絕大部分細場的「演講」,其實係「新書發布會」。這些「發布會」乃係任何參展商也有權申請場地使用的!但係,你請乜嘢作者、嘉賓、講者,甚至講乜、乜嘢話題,唔該先向大權在握的貿發局呈報,「批准權」全由佢哋話事,No argue,即不得異議。咁嘅Situation底下,我不爭論「何謂言論自由」,因好多講者確實上到台時,真的可以暢所欲言嘅!不過,貿發局將這些靠參展商自費請來的講者,擸為自己的「功績」,就好卑劣囉!

講到卑劣,不得不在此「譴責」有參展商,以出版為名,在展場內「賣書送豉油」。這類搞出版作幌子,實則係做「公關宣傳」,呢類書業老鼠敗類,只會令書展更多一件叫人齒冷的「悲劇」,可恨的,原來這間賣書送豉油的「悲劇出版社」頭目,係件嗌爆咪的「涼粉黨」,怪不得咁樣衰。唉!成群「涼粉」禍港不特止,仲弄臭埋個「國際化」的「書墟」!

我鬧完了!你睇完就嚟掃貨吧!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps