本地時裝設計師Flora張天愛尋日出席慈善藝術狗展活動,其中一個狗擺設芭蕾舞造型係由佢親自設計,佢希望喺呢個擺設裏加上歌曲《Ballet Lullaby》氹小朋友開心。佢又話將為明年嘅世界博覽會中國館設計館服,並採用天然布料製造,希望藉此機會宣揚環保意識。

張天愛與得意狗擺設合照。

楊洛婷話借養狗練湊B。 

講到感情生活,咁有冇新男友呀?Flora話:「一定要有先至有人情味,見吓舊又見吓新,date咗先。單身開心啲,好似有選擇,但一定唔會再結婚。因為21世紀唔適合。」

同場擔任主持嘅前港姐楊洛婷坦言好想同男友Dear Jane主音Tim生小朋友,因此近日買咗愛犬Tyrese,實習下第一個「試驗品」,佢話:「我好犀利,個幾星期就訓練到佢sit!」即係合格生得B?佢話:「我媽咪問我養咗狗之後,會唔會延遲生B計劃,依家工作排到出年年頭,好忙,計劃緊結婚,可能無啦啦飛去第二度結呢!」

第一手消息請下載on.cc東網iPhone/iPad/Android/Windows Phone Apps