SUN焦點：工時長捱麵包司機有苦難訴

專線小巴司機辛酸無人知。「有時下一更仲未搵到司機，惟有幫公司頂多幾個鐘，到自己開始覺得攰嗰陣，就會同站長講要放工，唔想將乘客條命較飛。」現年六十七歲的專線小巴司機黃先生，入行十七年，他無奈地說：「由於年紀大，有時返足一日工會比較攰，間中仲要幫手抹乾淨架小巴，不時搞到腰酸骨痛。」

六十七歲的黃先生，不時要幫助清潔小巴，常腰酸骨痛。

陸先生為減少乘客等候時間，只好於司機位進食。

另一名三十七歲、入行六年的司機陸先生表示，「香港仔中心下午經常塞車，有時遲咗少少到站嘅話，為咗唔想乘客等得太耐，即使自己肚餓，只有坐喺司機位，好快食個麵包頂肚，然後再上客。不過，有時坐喺司機位太耐，都會覺得好攰，盡可能會落車鬆一鬆，等啲肌肉放鬆吓。」

寧轉行做保安

業界透露，小巴司機面對工時長、壓力大，每年都有不少人轉行，有啲轉行做私人司機，不少轉行做薪金相若，但工時較長、壓力較小的保安員。