老師帶學生參觀立法會，咁啱就見到三位大懶蛇議員，老師梗係借此良機好好教育學生。
議員︰有人嚟參觀，上前增加吓知名度先。
老師︰各位小朋友，知唔知蛇會喺冬天做啲咩？
學生︰冬眠。
老師︰好！答得好，但其實仲有「春眠」、「夏眠」同「秋眠」。
學生︰乜蛇原來有咁多種眠o架。
議員︰呢位老師，請你咪亂教啲學生，我淨係聽過蛇會冬眠。
老師︰你哋三條大懶蛇，立法會出席率咁低，一年四季都休息，仲唔係「眠」咩？小朋友咪學佢哋咁懶！
學生︰知道！
