話說香港－台灣商貿合作委員會主席David李大壯近年能夠減肥成功，全靠日行萬步同戒口，之不過見到時令嘅台灣水果，佢就唔理咁多，食咗先算。

李大壯（左起）同孫至誠、投資推廣署助理署長鄧仲敏同遠東貿易中心主任陳愛蘭齊大讚台灣水果。

David早前出席台灣優質夏季水果特賣會時透露，上月底到台灣桃園訪問時，知道當地聞名嘅拉拉山水蜜桃當造，於是主動問招待佢哋嘅主人家，結果一行人就有口福喇。呢位台灣女婿真係心水清。特賣會主辦機構台北貿易中心主任孫至誠話，台灣水果被評為台灣十大軟實力中嘅第六位，難怪吸引班香港人去完又去。佢仲賣口乖話，見到David咁容光煥發，就知有食台灣水果啦！

第一手消息請下載on.cc東網iPhone/iPad/Android/Windows Phone Apps