專責處理大型事故的「特別支援隊」（SSU），在日前發生南非客機遇氣流事故時無法即時出動，只是負責「頂飯更」，變相淪為大後備部隊，SSU救護員不明白自己的角色，嬲爆爆咁去搵消防處處長軒軒問話。
救護員：又話我哋係特別支援隊，但依家變咗大後備部隊！
軒軒：你哋係具有多功能，唔係單一處理大型事故嘅。
救護員：咁成立SSU都冇用啦，咁調派平時嘅救護車都得啦！
軒軒：咁又唔得嘅，有支援你哋就要幫手。
救護員：依家淪為後備，我寧願做番「前鋒」！
軒軒：你都係「前鋒」呀！
救護員：後備就後備啦……
軒軒：其實兩樣都係，做得救護員都係「前線人員」，仲唔係「前鋒」？你哋又係前鋒又係後備，兩者兼備，好重要㗎！
救護員：#^*&(#%!!!!!
第一手消息請下載on.cc東網李衞
