曾有「官場叻女」之稱嘅政制及內地事務局前副局長Adeline黃靜文，年前加入成為中華廠商聯合會行政總裁後，眨吓眼已經大約一年，早前忙完廠商會八十周年活動，差唔多係時候放假去個旅行鬆一鬆喇！

忙完廠商會八十周年活動後，黃靜文可以安心去旅行嘞！

咁啱尋日喺金鐘一間酒店嘅餐廳遇到Adeline，佢透露準備下月中出發去挪威旅行三星期。呢段時間正正就係當地氣候最好，陽光最明媚嘅日子，Adeline果然識揀！至於點解會揀去挪威，佢就話最鍾意當地自然風景夠靚夠多，又可以自駕遊享受令人心曠神怡嘅自在假期喎！

第一手消息請下載on.cc東網iPhone/iPad/Android/Windows Phone Apps