今日係七一四「全城愛蝶日」，環保團體「綠色力量」尋日舉行啟動禮呼籲市民愛惜蝴蝶。環境局局長黃錦星致辭時話，為保育本港珍貴嘅蝴蝶品種，政府將一啲重要嘅蝴蝶棲息地列作具特殊科學價值地點，並為部分具保育價值嘅蝴蝶度身訂造一系列保育計劃。當局將於今年內制訂「生物多樣性策略及行動計劃」嘅框架，將喺明年初展開公眾諮詢。
