SUN搞作：SUN官場現形記：「球證」
立法會財委會主席星星早前強行通過新界東北前期工程撥款，惹來一眾飯民不滿，仲舉紅牌抗議，要求星星辭去主席一職……
飯民：你－紅牌！同我即刻離場！
星星：憑你？就以為可以趕我離場？
飯民：係人都知你霸王硬上弓通過東北撥款，呢個理由仲唔夠？
星星：你要明白，議案能夠通過，係因為取得充分的支持票數……
飯民：唔畀議員繼續發問，就夾硬通過，係叫吹黑哨呀！
星星：你都識講我吹黑哨啦……
飯民：咦，突然轉軚知衰？咁仲唔執包袱走人？
星星：你話得我吹黑哨，我咪就係呢度嘅「球證」，呢度由我主場話事，紅牌都唔係你畀，係我畀你至啱！
飯民：#^%$#**@#!!!!!
