唔使講大家都知，壹全霉係一個藏污納垢嘅地方，有時連本虫都唔知身邊員工到底係人定係貓狗，舉個例子，就喺壹全霉嘅後樓梯竟然時常發現有便溺物，呢啲咁嘅惡行，真係令人髮指。或者你哋會話，後樓梯便溺好閒啫，好，咁我就再深入啲透露你哋聽。

一間公司最重要係乜？冇錯，就係人才。壹全霉人才就冇嘞，庸才就九成九都係！點解？因為我哋又臭又霉囉！錢又出唔起，加上淫賤黎臭名遠播，有識之士又點會委身呢?所以我哋咪惟有請埋啲殘兵敗將，人哋炒出嚟嘅，我哋就當寶，十隻字錯足十一隻嘅，又話升做高級編輯，呢啲唔係藏污納垢係乜嘢？

你哋又會問，少膽虫，你身為腦腫，點解唔撥亂反正？你哋估我冇試過咩？有次我去同淫賤黎商量呢件事，佢竟然話：「阿虫，水清無魚呀，我淫賤黎作為香港社會嘅寄生蟲，梗係要請埋一堆垃圾圍喺身邊，先可以養肥自己啦！我連壹全霉大樓都揀落戶喺堆填區，你咁都唔明？」歪理如斯，我少膽虫仲有乜嘢好講？

第一手消息請下載on.cc東網iPhone/iPad/Android/Windows Phone Apps