機場第三條跑道環境影響評估惹爭議，有人擔心對中華白海豚所作保育措施不足，機管局被問及白海豚何處避難時，僅回應「依家畀唔到答案」，李衞就嬲爆爆搵機管局高層問話。

李衞：第三條跑道你就想起，咁啲白海豚就唔使理？

高層：唔係，我哋諗緊辦法……

李衞：咁工程期間只限制船隻航速，船隻數目又唔制訂，實影響白海豚棲息啦！

高層：如果工程人員發現船隻250米範圍內有白海豚出沒，我哋會立即停工！

李衞：發現先停手會唔會太遲？咁白海豚避難所呢？

高層：依家仲未畀到答案你……

李衞：咁你有咩係畀到答案市民o架？

高層：好簡單，起第三條跑道係勢在必行！

李衞：&%#$#^@!!!!!

第一手消息請下載on.cc東網iPhone/iPad/Android/Windows Phone Apps