從網絡世界接收資訊嘅途徑層出不窮，家長教育子女嘅方法亦要與時並進；日前一眾名人出席商務及經濟發展局前局長馬時亨大女馬露明旗下學校五周年紀念暨畢業禮時，大談教育子女心得，財政司前司長梁錦松嘅太太伏明霞就將電腦放在客廳，方便監察子女上網。香港，匯聚中國百家武術；為弘揚武德，香港國術總會早前舉辦詠春講座，更邀來詠春大師江志強示範招式，城中一眾武術發燒友聞風而至偷師。

詠春講座
偷師
香港國術總會會長王嘉恩（左三）傳授詠春防狼招式，副秘書長伍婉婷（左二）、常務理事林玥彤（左）、梁嘉頌（右三）、鄧靄庭（右二）及李梓銦（右）爭相學習。

過招
食過幾年「夜粥」嘅香港國術總會副會長周國豐（左），遇上曾贏得省港澳青年武術比賽獎項嘅菁瑋，當然要切磋一番。

體會
國際青年商會香港總會會長關俊華自言習詠春後，感冒少咗，面色紅潤咗。

學校畢業禮
無敵童真
中文大學校長沈祖堯一見到小朋友就好開心，主動同佢哋交談。

循循善誘
梁錦松與太太伏明霞從小就向三名子女灌輸正確價值觀；圖為一家五口合照。

喜形於色
馬時亨（右）感激香港大學醫學院院長梁卓偉百忙中抽空出席其女兒的學校畢業禮。

至親撐場
馬露明（中）開辦嘅學校五周年紀念暨畢業禮，媽咪（右）及妹妹露玲當然戥佢開心。

人生多變
演藝學院校董會前主席梁乃江相信隨着人生經歷，會令個人睇法有改變；旁為拔萃女書院校長劉靳麗娟。

第一手消息請下載on.cc東網iPhone/iPad/Android/Windows Phone Apps