SUN搞作：潮女敢言：阿媽的話

細個時阿媽會話「好仔唔當差」、「揀老公唔好揀差人」，但我們這一代七、八十後，從小到大都被港產警匪片奶水養大，電影中香港警察英勇正直，面對悍匪甘為市民犧牲，見到阿婆過馬路會拖手慢慢行，《警訊》中的阿Sir個個青靚白淨高大靚仔……一定是阿媽有偏見，於是你會反駁：「阿媽，你估仲係雷洛嗰個年代咩？時代唔同啦！」時代的確唔同，因為事實證明阿媽的話是對的。

學界發起遊行後聚集中環，警方視為佔中預演如臨大敵。一個個手無寸鐵的學生市民被警察抬上旅遊巴，邊抬邊施陰招搣頸叉肉；被捕人士獲釋後在網上表示，在臨時拘留所暴曬乾煎，不讓進食，不讓飲水不準去廁所；香港作為國際大都會，人權何在？

有朋友問為何要「妖魔化」警察，畢竟令警方與市民對着幹，毫無好處。可惜妖魔化他們的不是甚麼網民不是示威者，而是他們自己。飲頭髮水、電話簿墊心口錘仔打、夾手指屈打成招等「名場面」會否重臨？雖不中亦不遠矣。