全港七十一萬公屋住戶，九月面臨加租一成。過去兩次公屋加租都有免租措施，但今次調整就唔建議房委會提供紓困措施，消息人士指係房委會面臨財赤又要加建公屋單位，指免租欠理據。但咪忘記，有好多公屋戶生活仍然捉襟見肘，如果房委會只顧自己滅赤，懶理呢批居民苦況，只會激起民憤，到時身兼房委會主席嘅運房局局長張炳良就係罪魁禍首。
