近年喺議會內外，都有好多關於訂立全民退休保障嘅呼聲，甚至有議員為此喺立法會拉布，想拖垮財政預算案嘅撥款，近日勞工及福利局局長張建宗表明，希望呢個課題可以喺本屆政府任期內取得清晰方向，唔會拖延。聽起嚟好似好有決心，但係全民退休保障極具爭議，要勞資雙方達成共識唔容易，今次真係要考吓張建宗嘅政治智慧嘞！
