政壇：AV仁「打倒」真普選

白鴿黨立法會議員「AV仁」何俊仁繼早前喺立法會開會期間公然上網睇艷女照片後，又有新招博出位。泛民議員喺尋日特首答問大會玩完離場騷後，再喺會議廳外齊齊揸住寫有「真普選，無篩選」嘅紙牌影大合照，但踎喺前排嘅AV仁，竟然將個紙牌倒轉咗，直到其後埋位「扑咪」接受傳媒訪問時，佢都冇發現自己變咗「打倒」真普選，其他泛民議員同記者亦都冇提佢。唔知佢係因為日前上完街、佔完中，之後又畀警方通宵扣查後體力未恢復，定係當年佢畀人扑爆頭之後，後遺症到依家先逐漸出現？