SUN搞作：SUN官場現形記：死撐
新界東北發展撥款搞到一鑊泡，財委會主席星星霸王硬上弓嘅做法被全城鬧爆。「三堆一爐」闖關在即，有團體驚星星重施故技，呼籲換人，李衞就問吓當事人有乜睇法。
李衞︰個個都叫你走喎！點睇呀？
星星︰我無做錯，我唔會走嘅！
李衞︰吹完黑哨仲死撐？
星星︰我跟足《議事規則》，咪屈我！
李衞︰一開完會龜縮速逃，仲唔認做錯嘢心虛？
星星︰我、我人有三急咋，咪亂講。
李衞︰好心你一無是處就讓位啦！
星星︰邊個話？我有樣嘢好勁o架。
李衞︰你都有嘢勁？
星星︰面皮夠厚囉！
李衞︰%$!@#$!@@$#
