世界盃搞到好多人捱眼瞓返工,可以請假嘅,都寧願請假。如果諗唔到點同老細講,不如參考吓喺電影《喬布斯》中飾演喬布斯,依家係聯想工程師嘅艾斯頓古查(Ashton Kutcher)封請假信,因為佢都係抄美國隊教練奇連士文。

艾斯頓古查

話說,早幾日美國同德國硬撼,一旦輸波,美國隨時畀加納搶走出線資格。為咗呼籲美國舉國上下齊撐國家隊,奇連士文早前就喺Twitter上載咗一封請假信範文,建議打工仔同老細請假睇波。

有金色轟炸機之稱嘅奇連士文,都做過德國國家隊領隊。佢喺請假信範文度寫「雖然請假會影響公司生產力,但係美國隊面臨一場關鍵賽事,好需要全國上下支持,請容許員工放假。」

老細識做即批

艾斯頓古查非常之「聽話」,攞咗封奇連士文簽咗名嘅請假信範文,加埋自己個名,然後擺上Facebook呃like,眼利嘅網民,發現佢老細楊元慶都冇簽名,質疑佢究竟係咪合法放假。好彩楊元慶只係唔得閒簽名,唔係唔批,佢好快就以「艾斯頓古查嘅研發工作好辛苦」為由,畀咗佢兩日假去捧美國隊場。

第一手消息請下載on.cc東網iPhone/iPad/Android/Windows Phone Apps