有調查發現，「兩餸一湯」東涌最貴，團體認為東涌規劃嚴重失衡，促政府增建市政街市，紓緩市民負擔，李衞就問吓相關官員有咩計。

李衞︰兩餸一湯，東涌最貴，點搞呀？

官員︰街市嘅價格，我哋控制唔到。

李衞︰咁建市政街市啦，唔使領匯管理，買嘢點都平啲呀？

官員︰唔係話起就起，要起都要慢慢嚟。

李衞︰你哋慢吞吞，由得市民日日捱貴餸！

官員︰唔係，佢哋可以選擇出街食。

李衞︰出街食咪仲貴，咁樣都無助下調街市物價。

官員︰有，個個出街食，變相唔買餸，菜販見冇人幫襯，自然就調低價格，到時大家唔使捱貴餸啦！

李衞︰@#^*@@#!!^*!

第一手消息請下載on.cc東網iPhone/iPad/Android/Windows Phone Apps