唔想有口氣,好多人都鍾意食香口膠嚟清新一下,但食完之後要搵地方處理就好唔方便。日前中午喺中環太子大廈遇到賽馬會大董Philip陳南祿,見佢入咗一間護理用品連鎖店,仲喺店內東張西望,穿梭喺貨架之間。究竟搵緊乜嘢呢?原來佢搵緊一隻o趙完之後可以吞落肚嘅香口珠。Philip話,其實佢唔鍾意食香口膠,因為要搵地方棄置,但佢當日食完午飯後要趕去馬會開會,想清一清口氣,可惜又買唔到食開嗰隻吞得落肚嘅香口珠,皆因店內職員話冇入貨喎,所以最後都係空手而回。

陳南祿穿梭喺護理用品連鎖店貨架之間,最終失望而回。

第一手消息請下載on.cc東網iPhone/iPad/Android/Windows Phone Apps