城中鏡：忽略囡囡母語 陳可辛後悔
導演陳可辛喺牛津大學出版社嘅「英語、人生」中透露自己一直非常鍾意睇美國電影，仲會從中學習口音同表達方式。佢又透露喺教導囡囡講英文時，會着重教佢拼音同發音，又話：「佢睇書就算唔識解，都會用拼音讀啲字。」佢坦言囡囡如今講英文講得好純正，反而廣東話就唔純正，令佢深感後悔。佢話：「我當初刻意同佢講英文，因為覺得佢喺香港生長，唔會唔識中文。加上我唔想佢受到主流嘅香港娛樂影響，我想將我個圈子同佢拉遠距離。我真係用心良好過頭。」
陳可辛鍾意睇美國電影，仲會從中學習口音同表達方式。
另外，佢又提及早年喺美國求學時，爸爸並唔支持佢修讀電影，所以佢入大學嘅第一年時，並冇修讀電影系。佢話：「讀咗一年，我已經發覺自己對電影好有興趣，所以第二年差唔多全部係讀有關電影嘅堂。第三年我轉校，我最想喺UCLA主修電影，但因當時唔夠profolio，所以最後入咗歷史系。」為咗轉系，佢喺暑假專誠返港從事電影工作，累積經驗。
