喺立法會不停發動拉布戰嘅議員「長毛」梁國雄，三年前因為衝擊遞補機制公眾論壇，事後被裁定在公眾地方擾亂秩序行為及刑事損壞等罪成，被判入獄四星期，呢幾個星期就不時寫詩抒發內心感受，而前日佢又再有新作喇！

梁國雄喺獄中詩興大發，三個星期就作咗三首詩。（資料圖片）

今次作品就係針對日前喺財務委員會通過新界東北發展計劃前期工程撥款後，鬧泛民主派「賊喊捉賊」嘅建制派議員譚耀宗，長毛話對佢嘅講法有感受喎。

長毛新創作嘅詩一共有八句共五十六個字，首句就話「賊喊捉賊瞞私窟」，之後又話「茂波徇私為局長，新界東北作酬庸」，而最後一句就係「管他南北與西東」。以呢首詩字數同埋格式嚟睇，應該係一首七言律詩，雖然唔知首律詩有幾正統，但長毛喺短短三星期，就作咗三首詩，證明坐監真係好得閒。

第一手消息請下載on.cc東網iPhone/iPad/Android/Windows Phone Apps