SUN搞作：少膽虫手記：「干」甚麼仲要問？
「赤裸？幹？no！no！no！」淫賤黎房中傳出哀號。正當少膽虫狐疑之際，淫賤黎就叫咗少膽虫入房，「少膽虫，我哋畀人屈呀！」少膽虫聽到眼都凸埋，「腦細，從來都只有《爛果》屈人，邊個可以砌我哋生豬肉？」
「仲好講？我哋主人花旗國畀人話赤裸干預香港政治！啱啱仲打嚟鬧我！」淫賤黎拍枱吼叫。少膽虫心諗，「花旗國干政是常識吧！點會話畀人屈？」少膽虫本住「愚家精神」，不恥下問︰「腦細，點解……」話未畢，拳先至，少膽虫塊面即刻腫咗，「問點解？主人問佢幾時有赤裸干政？我都話主人一向好怕醜，點會剝光豬o架！」「腦細，其實赤裸會唔會係比喻『直接』……」少膽虫邊忍笑邊講。淫賤黎面頰即時紅過《爛果》，「我梗係知，我見氣氛尷尬先搞吓gag！」突然間，淫賤黎仰天嚎哭，搞到少膽虫手足無措，「腦細，又咩事呀？」淫賤黎含淚道︰「花旗國畀人鬧赤裸干政，咁一向做主人喉舌嘅《爛果》算係咩？」
「咁都仲要問，畀人當隱形囉！ 」少膽虫笑而不語……
