香港地，做生意最緊要食腦。中華廠商聯合會常務會董兼「家電大佬」陳國民旗下嘅家電集團，趁潮流興DIY健康食物，開設九龍旗艦店，城中政商界好友齊沾喜氣，又可試食自製美食，佳餚配美酒，絕對係樂事。美酒，不但指葡萄酒，國產茅台酒更享負盛名。香港國酒茅台之友協會青年委員會日前舉辦分享會暨晚宴，匯聚一班懂得欣賞茅台酒的朋友，暢談茅台歷史文化。

家電旗艦店開幕
網中人
忙於網購生意嘅名媛寇鴻萍（左）及大女唐貝詩抽空現身開幕禮。

搞環保
經營環保生意的工總副主席鄭文聰（右），忙於為內地引入零排放嘅煤製氣技術，為改善空氣質素出一分力；旁為太太及囡囡Serena。

湊熱鬧
港島婦女聯合會主席張雅麗（左）及工業總會青委潘偉業齊湊熱鬧，唔知佢哋最想自製咩嘢食品呢？

父女檔
陳國民（中）有大女嘉賢（右）及細女嘉慧幫手打理生意，分擔唔少壓力。

齊歡聚
廠商會立法會代表林大輝（中）與廠商會一眾老友趁機歡聚，包括蔡少森（右起）、李惠中、沈運龍及張壽文。

茅台分享會
保值
茅台之友協會青年委員會顧問楊華勇（左起）、主任莊家彬、副主任陳光明、黃僑福與陳家偉以酒會友，個個唔單止飲得，仲識趁低價買茅台保值。

好酒
茅台之友協會青年委員會委員黃浩鈞（左）指茅台同好多食物嘅味道都好夾，而新入會的葉藍（右）就自言飲茅台唔會頭痛。

秘笈
茅台之友協會青年委員會女委員酒量不淺，劉子芸（左起）、周雯玲、顏明秀及顏明潤，齊教女士們飲酒前食飽飯，就唔會咁易醉。

第一手消息請下載on.cc東網iPhone/iPad/Android/Windows Phone Apps