本土技藝瀕失傳
港府歎慢板，非物質文化遺產瀕「絕後」！本港非物質文化遺產（非遺）保育政策欠缺具體方向，立法會議員及學者直斥，非遺保育政策不僅比不上內地，更落後日韓半個世紀。無論是國際享負盛名抑或承載濃厚本土文化的傳統技藝，在缺乏政策配套的情況下，同樣身處「危急存亡之秋」。當局近日公布本港首份非遺清單，惟漁民嘆歌、牙雕、麻雀牌製作等多個非遺項目傳承人均指，港府根本沒想過如何傳承文化，民政局及康文署若再無適當保育措施，那些年曾盛極一時的手藝，將隨時後繼無人！
漁民嘆歌
冼氏夫婦即場「嘆一嘆」，場面溫馨。
本港漁業式微，漁民文化漸漸被遺忘。
牙雕
朱忠盛的作品曾於上海世界博覽會中展出。
牙雕作品題材廣泛，承載着中國文化。
手雕麻雀
各種「雕雀」工具陪伴湄姐多年，盡顯民間智慧。
手雕麻雀技藝見證本港手工業的興衰。
望保留推廣
林同學（中學生）：「冇乜聽過（政府）有推廣非物質文化遺產，應該透過報紙、電視做多啲宣傳。」
李小姐（美容）：「雕麻雀當然係藝術啦，應該保留，不過最緊要都係睇有冇人仲肯去學。」
懂唱者寥寥無幾
「以前我哋唔使學，人人好自然就會記住首歌。」現年七十多歲、漁民出身的冼先生憶述。香港以往是漁村，漁民傳統是重要的本土文化之一，嘆歌則是水上人出嫁或喪禮時，由女方親屬詠嘆的歌曲。「因為第一句好似嘆氣，所以叫嘆歌。」冼先生補充。
一分鐘抒生活情懷
冼先生與太太即場「嘆一嘆」，部分途經的市民投以好奇目光，並駐足聆聽。全歌短短一分鐘，已道盡本土漁民生活情況，冼解釋：「呢首歌係講孫女要結婚，但係阿爺好窮冇嘢畀佢，惟有用簡單嘢祝福佢。」當中的一句「阿爺水蟹當米蟹，石頭當冰糖」亦有其文化由來，米蟹即是膏蟹，指當時阿爺祝孫女「有米」。
時代變遷，冼無奈指，「以前嘆歌歌詞仲會有啲古文，不過冇人記低，有啲已經唱唔番。」他表示，嘆歌列入非遺清單令人高興，但新一代很少有人欣賞，連他的子女亦未學過，即使是漁民，懂嘆歌的亦寥寥無幾，政府再不保育，嘆歌隨時失傳。
港人自豪嘅藝術
傳統表演藝術被歷史洪流淹沒，傳統手工技藝亦漸消失。牙雕大師朱忠盛的作品曾參展一○年上海世界博覽會、多次得到中國工藝美術協會金獎、作品獲德國及印度博物館收藏。他大嘆本港從未重視保育牙雕技藝，新入行者買少見少，「作為香港人，我嘅作品得到國際肯定，但係我反而覺得香港政府根本冇諗過點樣去傳承呢種文化。」
「政府根本唔專業」
本港首份非遺清單列明，牙雕是指雕刻象牙的技術，朱忠盛指出，不少人誤以為他們傷害野生動物，惟象牙於上世紀八十年代已禁運，近年雕刻的是外國出土的猛獁牙（長毛象牙），是深藏於地下的化石，可見港人對牙雕理解的落後。
朱忠盛續指，牙雕作品能夠體現登峰造極的雕刻手藝，題材更遍及傳說、習俗、風土人情等範疇，承載中國文化，「（政府）根本唔夠專業，至少應該講清楚乜嘢係象牙同猛獁牙，多啲宣傳，畀世界各地知道香港有呢門令人自豪嘅藝術！」
冇人投放過資源
麻雀牌製作技藝講求一雙巧手，傳承情況堪虞。麻雀製作過程包括截牌、磨牌、雕刻及上色等工序，隨着手工業式微，大部分麻雀均改由內地工廠機器生產，目前手雕麻雀師傅只有三位。有四十多年雕麻雀經驗的何秀湄（湄姐）坦言當初係為生計而學師，「依家真係冇乜人再去學。」
見最多係遊客
雕麻雀不僅蘊含深厚文化，更盡顯民間智慧。湄姐解釋，陪伴她多年的一套「搵食架生」專為「雕雀」而設：筒子、索子需要用上不同雕刻刀；用木材和鐵皮砌成的燈箱一物三用，「一嚟照住啲麻雀、二嚟可以暖住啲麻雀易雕啲，三嚟可以烘乾上咗油嘅麻雀。」她續指，麻雀亦有觀賞方法，「機製死板，手雕隻隻都唔同，有刀路，似書法！」
對於手雕麻雀列入非遺，湄姐笑稱令人摸不着頭腦，她直言，「（政府）咁多年都冇乜理過我哋呢啲小市民，冇人投放過資源（進行保育），最多就係遊客、記者行過影吓相，你依家講到咁高，我自己都覺得高攀咗。」
