早前童黨於沙田頭村強搶女村民手袋一案，三名初中生全部落網，保釋候查，並於六月底到警署轉擔保。不過多名居民對搶劫案猶有餘悸，沙田區議員陳諾恒指出，過去常有童黨於村中公園聚集，而今次案件更加令居民人心惶惶，認為村中街燈照明不足，擔心成為童黨犯案黑點，促警方加強巡邏。

陳瑞昌指，早前三名少年尾隨一名女村民至隧道時，搶去其手袋。

沙田頭村童黨強搶女村民手袋一案，圖為遇劫女事主。（資料圖片）

「嗰日三個仔都唔係我哋村嘅人，無人識佢哋，尾隨我哋一個女村民去到村口條行人隧道就發難，一個負責『睇水』，兩個搶走女村民嘅手袋。」沙田頭村村長陳瑞昌形容，該名女村民大聲呼叫，村民即前來幫手。

少年聚公園 村民怕怕

村民陳仁憶述：「啲仔都唔熟路嘅，我同其他人一齊追佢哋，其中一個仲跑咗入掘頭巷。」陳仁指出，村中在缺乏街燈下，環境昏暗，而村中的公園在晚上不時有青少年聚集，「我都擔心治安，所以裝咗個閉路電視，可以保障自己。」

第一手消息請下載on.cc東網iPhone/iPad/Android/Windows Phone Apps