馬季將近尾聲，好多名人都想趁煞科前入馬場湊吓熱鬧順道食飯，尋日沙田馬場跑夜馬，就畀我哋遇到馬場稀客喇！先有港協暨奧委會會長霍震霆現身，見佢同馬會主席施文信有講有笑並肩行上樓，隨後相隔約十分鐘後，就見到霍震霆嘅大仔、香港青年聯會主席霍啟剛帶埋太太「跳水公主」郭晶晶拍拖入場。

霍啟剛同太太郭晶晶拍拖入馬場，陪爸爸出席施文信嘅飯局。

郭晶晶身穿一條黑色連身裙，配上桃紅色腰帶同手袋，兩手各戴一枚戒指，幸福現身。我哋聽啟剛講，原來尋晚施文信請食飯，所以佢就特登帶埋太太一齊入場陪吓爸爸喎！

第一手消息請下載on.cc東網iPhone/iPad/Android/Windows Phone Apps