SUN揭秘：陪熟客一起長大 鄭嘉穎也嚟幫襯
在灣仔屹立近二十載，明哥的「天朗漫畫」孕育出一大批漫畫迷，當中更有不少熟客是一起長大。臨別依依，不少熟客專程回來與明哥道別，明哥說過去兩個禮拜，已跟近三百位客人交換電話，「有人仲以為我搬舖，問我搬去邊。」
藝人鄭嘉穎也曾幫襯明哥，排長龍買《男兒當入樽》。
老朋友聚頭，少不免要「講舊史」，有些舊史，連明哥自己也不知道，「之前有個客講番畀我聽，話佢以前排隊買《男兒當入樽》嗰陣，排佢前面嗰個係鄭嘉穎，我做到無停手都無留意。」
訪問當日，是「天朗漫畫」結業前的最後一個星期五，時值午飯時間，客人確實不多，不過又有熟客來「吹水」。客人陸先生說「細細個已經嚟幫襯」，高峰期每月都會花兩三千元買漫畫及周邊精品，連明哥也忍不住笑說，「你有份養大我對仔女。」
