SUN搞作：sun官場現形記：不公平有幾出奇
一學生怒氣沖沖搵考評局秘書長時時，時時一開口就被學生鬧到狗血淋頭，究竟所為何事？大家一齊睇睇。
學生︰男人最忌「洩」，但你偏偏唔理！
時時︰洩？究竟發生咩事？
學生︰TSA閱讀卷外洩，考評局任得近六萬名考生不公平地應考！
時時︰哦，原來係呢件小事。
學生︰你仲敢擺出一副唔緊張嘅樣？
時時︰考評局咁做，係為你哋上咗寶貴嘅一課。
學生︰做錯嘢仲話教學生，有無搞錯？
時時︰社會處處不公平，你哋依家提早體驗，仲唔係另類通識教育？
學生︰@#$%%^&^&
