政壇：譚志源撐世界盃免費睇？

被問到今屆世界盃有乜心水時，Raymond話一向都捧巴西場，原因並唔係巴西隊好波，而係因為爸爸多年來都係支持巴西，耳濡目染之下，連自己都鍾意埋巴西一份。

食物及衞生局局長高永文喺世界盃前表明支持英格蘭、西班牙、葡萄牙及意大利，但前三隊早喺上星期已經全部出局，剩低嘅意大利亦喺尋日凌晨出局，外界戲稱佢為「燈神LuLu」。高永文解釋，佢之所以力捧以上四國球隊，係因為佢哋嘅踢法充滿拉丁美洲風格，最啱佢呢啲平日要嚴守紀律嘅人喎。

至於外界叫佢做燈神，佢就一啲都唔介意，但就自爆已經對今屆世界盃死心，唔會再睇比賽之餘，亦唔會改為支持其他隊伍。