財爺鬍鬚曾喺網誌上話，任何政策或撥款都無可能令全港七百萬市民皆大歡喜。網民見到為政者咁無賴嘅講法，點會唔痛心疾首？

網民︰唉，香港有你呢啲官，真係……

鬍鬚曾︰我有講錯咩？邊度有政策可以做到人人歡喜o架？

網民︰鬼唔知阿媽係女人咩！但最少都唔應該出現激烈回響吖！照你咁講無政策令人人歡喜，咁不如咩都唔使做！

鬍鬚曾︰出現反彈就要縮，咁政府咩政策都唔使推行啦！

網民︰一味靠嚇！與其接受垃圾政策，我寧願裹足不前。

鬍鬚曾︰咁你想我點呀？

網民︰其實都有一個辦法可以令全港市民歡喜。

鬍鬚曾︰係咩？我咩都肯做。

網民︰你呢啲廢官即刻退位讓賢，我敢保證人人開心！

鬍鬚曾︰@#$%^&&**

第一手消息請下載on.cc東網iPhone/iPad/Android/Windows Phone Apps