前港姐楊婉儀尋日出席基金公司活動，仲擔任嘉賓分享投資心得添，但佢好謙虛咁話自己投資經驗少，「以前香港風氣興炒股票，我羊群心理見人買我又買。我好保守唔係買好多，蝕少少，但冇乜發展。」咁依家有乜投資？佢透露就快開投資數成八個位嘅幼稚園，係國際學校嚟，佢講明對教育制度好有信心。

楊婉儀對香港教育制度好有信心。

同場嘅香港足球員「陳七」陳肇麒早排同女友Toby求婚，預計出年結婚。問到點解咁快脫離單身行列時，佢回應話唔快喇，都計劃咗大半年。再問女友有乜反應？佢話：「感動啩，係開心。冇信心就唔會應承，而向女友嘅承諾唔使講出口，在心中。」

第一手消息請下載on.cc東網iPhone/iPad/Android/Windows Phone Apps