肥佬黎（左）與多名泛民頭領雲集李漢奸（右）律師樓開會，疑似為「六二二」公投進行中期檢討。
扭計的孩子有糖食，反中亂港的反獲禮遇。壹傳媒黎智英（肥佬黎）早前被揭曾於五月底，與美國國防部前副部長沃爾福威茨（Paul Wolfowitz）一齊喺香港坐遊艇出海密會，令肥佬黎勾結外國勢力、反中亂港嘅惡行，更加鐵證如山，內地官方媒體事件亦循例批評佢一番。之不過，肥佬黎事後卻透過發言人反咬中央一口，爆料指佢同沃爾福威茨，曾經喺舊年六月同遊緬甸，期間獲中國駐仰光大使館兩次邀請共進晚餐，令人質疑係咪愈反中反共，就愈會獲得中共重視同禮遇。唔怪得之作為「搞事四人幫」之首嘅黎智英，最近愈搞愈興奮，尋日又再出動同一批泛民嘅搞事之徒，共商搞亂香港嘅大計喇！
AV仁（左）與戴耀廷（右）同肥佬黎開完會後，一齊頭耷耷入電梯離開。
肥佬黎離開時，李永達（前）與李卓人（後）又同一時間喺附近現身，真係夾都冇咁啱。
之後主要喺幕後搞事嘅肥佬黎，最近嘅行動愈趨高調同公開，包括喺「六二二」佔中公投實體投票啟動當日，首次親身上陣出席《城市論壇》，與一眾辱罵佢做「漢奸」、「走狗」嘅示威者舌戰。
齊上李漢奸寫字樓
肥佬黎尋日又再出動，唔避嫌走上另一「搞事四人幫」成員、民主黨創黨主席「李漢奸」李柱銘位於金鐘海富中心嘅律師樓開會。之後我哋再見到多名泛民搞事之徒陸續現身，包括另一民主黨前主席「AV仁」何俊仁同「佔領中環」行動發起人戴耀廷，疑似就「六二二」公投進行中期檢討，以便部署下一步嘅搞事大計。
佢哋傾咗一粒鐘左右就打算閃人，但眾人發現有傳媒在場後，立即表現鬼祟。先係李漢奸借去洗手間走出電梯大堂，企圖趕記者離開。期間AV仁喺律師樓道門後又開又關，好似唔見得光咁。搞咗一大輪之後，AV仁同戴耀廷都係決定掉低肥佬黎同李漢奸走先，兩人行入電梯時不約而同頭耷耷。
搞事四人幫添成員
肥佬黎同李漢奸喺律師樓再坐咗一陣後先離開，肥佬黎仲車埋李漢奸返屋企，先至自己返回寓所。而喺肥佬黎走前，我哋又咁啱得咁蹺，撞到支聯會主席李卓人，以及另一「搞事四人幫」成員、前政務司司長陳方安生嘅代言人李永達，搭住膊頭行過海富中心，好難唔懷疑佢哋係有份同肥佬黎一齊開會。有呢六位搞事之徒雲集中區搞搞震，香港想唔亂都幾難！
第一手消息請下載on.cc東網
