馬來西亞小姐Sherine黃淑玲日前出席一個有關日本關西嘅活動，作為大阪旅遊大使嘅佢，透露自己將擔任下一季活動宣傳照嘅模特兒。自封「日本迷」嘅Sherine，每年定必會到日本旅遊幾次，佢更笑言：「我嚟緊會做多啲旅遊雜誌嘅訪問，介紹多啲唔同嘅關西旅遊好去處同美食畀大家。」

馬來西亞小姐黃淑玲（中）惡補日語，方便同日本人溝通。

為咗全面地了解日本嘅文化，佢現正全力學習日語，方便同當地人溝通。咁惡補成點先？佢話：「我啱啱學咗三個月，啱啱仲考咗日文能力試，希望考到好成績啦！」

第一手消息請下載on.cc東網iPhone/iPad/Android/Windows Phone Apps