新款機一鍵燒卡毀證據

自動開機 見人先錄

「叉電器、電拖板等家庭用品，邊個屋企會冇？裝咗（針孔鏡頭）完全冇人會拆穿。」張大偉解釋，大部分針孔偷拍器偽裝成家庭用品，如充電器、光碟播放機、萬能插頭、鬧鐘、甚至是衣架和掛鈎等，而且電線及記憶卡都隱藏在內，即使是事主清潔家居時亦未必發現。他表示不少針孔偷拍器會用作監察家居或辦公室內環境之用，幾乎「冇畀人發現過」。

「有啲鏡頭會有自動開啟功能，要有人行過先開始錄，減少錄影時間，更容易針對人嚟偷拍。」張指自動開啟功能令針孔偷拍器耗電量及佔用記憶體較少，近年多次揭發被不法分子用作更衣室偷拍。近年更出現「一鍵燒卡」功能，一旦偷拍者被人發現，只要按下一個按鈕便會將記憶卡用電壓燒毀，逃避法律責任。

另有私家偵探表示，針孔偷拍器材只由接收器、儲存器和電源組成，結構簡單，可安放於任何日常生活用品之中，女士根本防不勝防，只有盡量小心。