SUN搞作：SUN官場現形記：難兄難弟
郵輪碼頭於四月初爆出要逾千旅客排隊等的士醜聞，蘇卡片局長竟然話係因為天氣惡劣所致，咁都講得出口，你叫李衞點忍？
李衞︰先唔講天氣，漏水問題又點？
蘇卡片︰啱啱起好，同某商場嘅水簾洞比，算係合理水平啦。
李衞︰合理？就嚟要擔遮擋漏水，同無瓦遮頭有咩分別？
蘇卡片︰水滴當細雨紛紛，遊客見到咁有詩意景色，仲唔係一絕？
李衞︰絕？你就拙劣啦，咁都講得出口！
蘇卡片︰大佬，天氣呢家嘢，點控制呀？
李衞︰原來你同港鐵外籍高層係好兄弟？
蘇卡片︰又關佢咩事？
李衞︰明明就人禍，偏偏要賴天氣，仲唔係難兄難弟咩？
