巴西世界盃熱席捲全球，亦成為香江熱話。匯聚青年才俊嘅香港青年聯會日前舉行周年大會暨晚宴，一班充滿活力嘅成員商討會務數小時後，亦不忘喺晚宴上研究波經，分享捱夜睇波後翌日返工保持精神奕奕嘅秘訣。另一邊廂，由國際扶輪3450地區前總監夏大衛（David Harilela）創立嘅THE ONE，每年均會派專人走遍全球，訪尋人道主義領袖，以表揚佢哋嘅勇敢同傑出。組織日前舉行頒獎禮及慶祝三周年晚宴，社會各界精英及城中名人齊見證嘉獎隱世英雄。

國際人道主義獎晚宴
典範
印度富商夏大衛（左）熱心扶助弱勢社群，太太夏慧珊一直默默支持。

評審
國際人道主義獎評審委員之一嘅香港大學校務委員會主席梁智鴻，幾忙都要見證嘉獎英雄。

支持
李錦記董事李惠雄（左）向來出錢出力支持太太Mahnaz Lee投身公益工作。

青聯周年大會
興致勃勃
青聯一班靚女成員講起世界盃亦興致勃勃，右起為陳詠娸、鄭詩韻、黃夢瑩、張詩培、陳詩琳及嚴百樂。

萬勿錯過
熱捧巴西嘅青聯主席霍啟剛（左）話一定會睇最重要嗰幾場世界盃賽事，右為青聯副司庫霍啟文。

熱衷會務
青聯常務副秘書長羅詠詩（右起）、副主席李文斌及青聯交流基金主席陳寧寧均十分熱衷青年事務。

齊齊升呢
顏明潤（右起）、范駿華及錢國強齊齊升呢，將分別擔任青聯秘書長、常務副主席及副主席。

分身有術
許華傑（左）與王敏剛都係青聯嘅前輩，前者更於晚宴後，立即趕乘飛機往巴黎公幹。

第一手消息請下載on.cc東網iPhone/iPad/Android/Windows Phone Apps