政壇：新小巴大王轉型搞商場

商界競爭激烈，創業、守業都係挑戰，「新小巴大王」馬僑生早前同埋囡囡Kristin出席香港青年聯會會董王淑筠喺中環開嘅咖啡店開幕禮，馬僑生話小巴生意難做，所以早前佢成功投得領匯出售嘅商場，首次涉足商場管理，目前正由囡囡負責租務工作。呢一日佢特登帶囡囡出嚟睇吓，以便引入特色商戶，為商場注入新元素。

馬僑生（左）帶埋囡囡Kristin去見識特色店舖。

馬僑生話，目前小巴座位數目有限，新入行嘅年輕司機又少，所以好難增加班次提升載客量，行業經營困難，惟有另謀出路，靈活應變。Kristin接手家族生意約九個月，適逢公司轉型，正好當創業咁做。