一向愛心爆棚嘅Gigi趙式芝，佢成立嘅「相信愛基金會」捐款五十萬元畀天水圍的社區中心，幫助低收入、單親同新移民等家庭。日前Gigi就同楊如芯，及馬德鐘同太太、傅明憲、王馨平等一眾好友到場探訪，仲同佢哋一齊玩遊戲，眾人見到馬德鐘非常雀躍，不時要求合照，而做咗人肉布景板嘅馬德鐘就毫無怨言。

趙式芝（左二）與馬德鐘（右二）等好友探訪社區中心，同小朋友玩遊戲。

傅明憲同王馨平將心意卡貼喺牆上。

王馨平

Gigi話：「啲人好瘋狂，我做咗攝影師，不時有人畀電話我，要我幫佢哋影合照，馬德鐘好nice，來者不拒。」

被問到有冇喺現場派禮物，佢話：「今次冇，我哋每個月會上屋做採訪，就會帶啲米、油等食物畀佢哋。」

第一手消息請下載on.cc東網iPhone/iPad/Android/Windows Phone Apps