SUN搞作:sun官場現形記:走就快啦
燒房處處長錯鑫卸任在即,但為咗搞退休騷而大事綵排,呢日佢自己走上門搵李衞,一番斥責自然係在所難免。
李衞︰你哋咁綵排法,真係勞民傷財!
錯鑫︰傷民財又唔係傷我財,唔使理佢啦。
李衞︰講呢啲,你真係唔知醜!
錯鑫︰咦,你又知我唔識寫醜字嘅?
李衞︰!@@#,係識嘅就唔會「落閘」,用車阻記者採訪,漠視新聞自由啦!
錯鑫︰自由?我都有泊車自由,我鍾意泊邊咪泊邊囉!
李衞︰講多嘥氣,人嚟,落閘!
錯鑫︰乜你又要遮醜咩?
李衞︰係落閘放狗咬你呢啲庸官呀!