真大鑊，事到今日，管治無方的香港廢柴政府見局勢混亂，除不斷卸膊、指摘、大話冚大話及手足無措外，仲未知自己衰乜？

關於新界東北的大亂局，廢柴發展局長囤地波尋日喺個電視節目度，敦起個款話自己好唔高興。喂！你唔高興？咁我哋香港人好happy咩？我就好Q嘞！

新界東北發展之出事原因，先有囤地波這等政府官員曾有「古洞北囤地自肥」的壞紀錄，仲邊有說服力呀？繼而繞過城規會，硬推上立法會申請三億元作「前期工程」撥款，不按程序辦事，視制度如無物；加埋那件被踢爆兼受質疑嘅財委會主席吳亮星不顧利益衝突的唔准議員就事件詳細討論，一意孤行地想快刀斬亂麻的突然要「表決」，還未計沒徵得當地居民同意，甚或諮詢喎！

囤地波在電視機裏竟敢說：「憑良心話，呢個計劃，係為香港人嘅，可以起××個公營房屋，幫助香港人解決住屋問題……」吓！你講良心？呸你啦！你夠膽說清楚「此計劃」的公屋佔地比率，和預留給地產發展財團的比例嗎？

當吳亮星在議事廳惡形惡相要夾硬表決時，場外觀看直播的「示威者」怎會不躁動吖？

說到尾，香港垃圾政府用人唯廢，由這些低B弱能的人去處理任何事宜，皆絕對出事呀！

另一場景，在深水埗海壇街，市建局突擊收樓，除有老翁欲跳樓拚死頑抗外，有一婦人哭說：「我哋本來以為有間樓，就可以有瓦遮頭。我哋都係但求安居樂業啫！依家畀人強搶，所謂賠償，根本不足在同區搵番間一樣大細，夠我哋一家同住嘅屋，叫我哋點算吖？仲要拉我個仔，話佢犯法喎！嗚嗚……」

同樣，我哋香港人只求有三餐溫飽啫！做乜會畀人大肆破壞？無日安寧o架？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps