城中鏡：阮偉文 榮文蔚前後腳赴宴
阮偉文同榮文蔚自早前承認離婚後，前晚喺一個公開場合首次同場。之不過，佢哋係前後腳到場，而先到場嘅榮文蔚明顯係有備而來，早就向公關講明唔會接受傳媒訪問，而喺布景板前影完相後，就急步入場嘞，而稍後到場嘅阮偉文，就喺場中同友好親切交談。
阮偉文（右）同榮文蔚前後腳到場。
榮文蔚（左）
同場仲遇見中華總商會名譽會長霍震寰同太太陳琪琪，被問到點慶祝父親節時，霍震寰話同往年一樣，又話「冇乜慶祝，好似平時飲茶。因為有個仔喺北京，未必趕得到返嚟！」之後佢兩公婆就匆匆入場。
