唔少人都趁尋日係父親節大晒幸福。旅遊作家James項明生同立法會議員Charles莫乃光就喺社交網站，展示童年時與爸爸嘅溫馨合照。

項明生（中）細個同哥哥坐住爸爸單車周圍去。（互聯網黑白圖片）

項明生

莫乃光細個樣貌同依家差唔多。（互聯網黑白圖片）

莫乃光

梁敬國尋日一早就先去踩單車探路，等囡囡做完功課再一齊出動。

相中細個嘅Charles眼仔睩睩，有朋友就留言話，佢同依家樣貌成個餅印咁；James就上載咗一張爸爸用單車載住佢同哥哥嘅陳年舊照，感謝爸爸造就今日嘅佢。

James喺網站透露，爸爸當年冇送過玩具畀佢，但就用微薄嘅薪水，買咗汗牛充棟嘅名著好書畀佢。

難忘坐單車尾兜風

佢就係靠閱讀《牧羊少年奇幻之旅》同《魯賓遜漂流記》等名著，喺飯都食唔飽嘅七十年代，有狄更斯、雨果、大小仲馬、三毛等每日輪流陪伴佢，帶佢遨遊世界各地，令佢成為今日嘅旅遊達人兼作家。佢又回想起人生第一次遠征，就係同哥哥坐喺爸爸嘅單車後座上，感受夜風擦過、野花香氣撲鼻同觀賞田野往後奔馳嘅景色，至今歷歷在目。

就連商務及經濟發展局副局長梁敬國平日都鍾意同愛女一齊喺科學園一帶踩單車。父親節都唔例外，梁敬國一早就由大埔出發踩去上水火車站，但今次佢只係一個幫囡囡探路，等囡囡做完功課先一齊出動。佢話前晚提早食飯慶祝父親節，仲收到囡囡一份實用又及時嘅禮物添！

第一手消息請下載on.cc東網iPhone/iPad/Android/Windows Phone Apps