蔡李惠莉話最拿手煲薑醋。
「玩具大王」蔡志明太太蔡李惠莉前晚出席一個公開活動時話，新抱汪圓圓將喺九月臨盆，而圓圓心情好開心，又話圓圓佗得好好！至於有冇煲補品畀圓圓時，佢就話：「平時都係煲湯，依家更加唔可以太補。臨生先煲薑醋，我兩個女都係臨生一個月左右先煲，我好有經驗。若果自己食就我煲，送畀人就訂，我邊煲得咁多。」
問到BB房點樣布置時，佢話阿仔同圓圓仍在選購中，又話：「佢哋都有問家姐意見。至於喺屋企興建個遊樂場，就仍在計劃中。」當問及老人家傳統話將着過BB衫一個送畀一個會將幸福傳開時，佢就話依家冇所謂，佢哋自己會準備，亦會請人嚟陪月。
第一手消息請下載on.cc東網
