曾俊華
經過一百三十一個小時「拉布戰」後，立法會終於通過財政預算案，財爺鬍鬚曾終於唔使個個星期透過網誌鬧爆「拉布」行為，當然亦冇再喺度警告政府冇錢用嘞！
不過，唔知係咪上星期太多新聞，鬍鬚曾尋日嘅網誌就化身成大雜燴盆菜，先係講香港今年經濟不容樂觀，然後又講個人遊政策，認為香港經濟並無過度倚賴個人遊喎，但上星期佢先至話擔心零售額下跌影響經濟及就業，真係一時一樣。最後佢連白皮書都講埋，總之成篇文章鬆散、毫無重點，真係唔知佢起個「一起實現普選」標題做乜，似乎係文不對題囉！
第一手消息請下載on.cc東網
- on.cc 東方互動主頁
- 4月1日 (二)
